Categories

Abubakar Imam eBooks



  
Adobe Reader
 
  
 

Viewing: Ruwan Bagaja

Ruwan Bagaja 8709 Downloads

Ruwan Bagaja Ruwan Bagaja
Published By: NNPC
Date Published: 1934
ISBN:

A cikin farkon zamanin Shaihu dan Ziyazzinu an yi wani mutum motsatstse, wanda a ke kira Koje Sarkin Labari. Dalilin da ya sa a ke kiransa haka, don haukansa ba na zagin kowa ba ne,bakuwa na dukan kowa ba ne. Shi dai ba abin da ya ke so sai ya ji labari, ya tafi wadansu kasashe, ya rika ba attajirai da Sarakuna, su kuwa suna ba shi abinci. In ya ba ka labari, wanda ba ka sani ba, in ka ba shi kudi, sai ya debi hams ya ba ka. Ya tsare ka, ya ce kai kuma sai ka ha shi wani labari, wanda shi kuma bai sani ba.

Yana cikin bin kasashe, har ran nan Allah ya sa ya isa wani gari wai shi Kwantagora, wani babban birni ne a cikin kasar Sudan. Ya isa wajen Sarkin garin, aka kai shi masauki. Da ajiye kayansa, sai ya fito kofar fada, ya shiga halinsa na neman labaru da ba da su. Ya kwana kamar uku yana ba Sarki labarurruka, fadawa kuwa suna biyansa da wadansu labaru, watau maimakon wad'anda ya ba Sarkinsu. Sarkin kasar ana kiransa Sarkin Sudan.

Yana yawo cikin gari, sai ya isa wani Raton gida mai benaye da yawa. Ya tambayi barorin da ya tarar zaune ya ce, "Shin gidan wane ne wannan ?"

Suka ce, "Wane ne duk duniyan nan bai san Alhaji Imam ba ?"

Koje Sarkin Labari ya ce musu, "Yana fitowa yanzu ?" Suka ce, "Wa zai fito da shi yanzu tun azahar ba to yi ba ?" Koje ya share wuri, ya zauna kan azahar to yi.

Azahar na yi, sai suka ji taf, taf, duk zaure aka tashi. Da maigida ya shigo aka fadi aka yi gaisuwa. Da ya zauna ya dubi Koje ya ce, "Wannan fa wane ne ?"

Koje ya ce, "Ni ne Sarkin Labari. Yau kwanana goma nan garin. Ka ji ka ji safarata ka kuwa ji yadda a ke biyana, ko kana iya saye ?"




Date: 10/11/2004 Filesize: 2005KB Rating: 2.18 (24 Votes) Report Problem

Olate Download - Error
Error
[DBIM] Query Failed: Table 'hausafulani.downloads_comments' doesn't exist
Type: 256 File: /home/sdanyaro/abubakarimam.com/od/upload/modules/core/dbim.php Line: 64 Debug Level: 1